忽然1周 第829期]娱一叮《怒火》添食再做佐治仔 林子善带黑妹女友入屋 近排无线热播嘅《花花世界花家姐》同《怒火街头》，令人称「洪爷」嘅林子善弹起。 29岁的他， 13年前跟星爷搵食， 08年加入无线大家庭，连续拍咗 12部电视剧，今年终於凭《怒》剧嘅佐治仔打响名堂。 《怒》剧上周最高收视 35点，林子善唔止成功入屋，就连 9月开拍嘅续集都有份。虽然林子善个样似足古惑仔，早前仲被封沟女王，当街啜爆黑妹女友 Kary。但其实佢除咗夜晚喺夜场打碟做 DJ外，平时都好黐家。本周三晚（ 15日）林子善带埋女友 Kary同父母一齐食斋，提早庆祝父亲节，虽然同女友拍拖只系 3个月，但原来已一早入屋见埋家长。 举家贺父亲节 林子善带黑妹女友去尖沙嘴斋铺会合屋企人提早庆祝父亲节。记者上前影相，林子善与家人最初表现愕然，其后众 人 大方任影。 林子善 98年凭星爷的《喜剧之王》「洪爷」一角响朵，其间不乏演出机会，至 08年签约无线，饰演《奸人坚》金钱豹一角开始崭露头角。上周播完大结局的《花花世界花家姐》和正在出街的《怒火街头》，更突显林子善正受无线力捧，有网友笑指林子善为绿叶首选。
