【新闻】2013.03.27.万绮雯陪契仔买波鞋 1,772

【九龙塘】现年42岁嘅万绮雯（蚊蚊）同编剧老公陈十三结婚13年，但一直都冇生BB，早排仲有消息话佢脊椎移位同肝病困扰引致不育。其实蚊蚊好锡小朋友，前晚佢就同一名中年女子同少男去咗九龙塘又一城买嘢，少男先攻波鞋，试完仲一口气扫咗两对，其后再去拣羽毛球拍，但就睇唔啱心水。据知少男系蚊蚊契仔，曾经做童星拍广告，但近年去咗英国读书，近排放假回港，梗系要约契妈聚吓啦。蚊蚊临走嗰阵好唔舍得契仔，猛摸佢面珠同抱抱㖭。
采访：梁继光