【钟爱一生◆新闻】Fans拎CD要求簽名馬德鐘：嘩！你竟然有呢一

【呢啲咪忠實歌迷】Fans拎CD要求簽名馬德鐘：嘩！你竟然有呢一隻！
【Apple】@马德钟JM 喺聖誕節正日現身灣仔出席活動，佢同入場觀眾唱歌玩遊戲，歡度佳節，現場有唔少Fans，有fans仲拎住馬德鐘嘅CD要求簽名，佢自己都笑言：「嘩！你竟然有呢一隻，我屋企仲有啲存貨，下次攞出嚟派畀大家。」
聖誕節都要工作，馬德鐘話：「好開心因為放假出街好多人，反正屋企人冇乜節目，出嚟做嘢同大家慶祝仲開心。」佢透露正喺外國讀書嘅囝囝近日趁聖誕假返香港，問到攞到視帝後有冇同屋企人慶祝？佢話：「其實又冇特別慶祝，不過我今日出門口見到個仔偷偷地整蛋糕，唔知係咪整畀我呢。」
馬德鐘仲話好感恩過去一年拍嘅劇大家鍾意亦攞到獎：「證明到畀老婆睇我當初係冇錯行，雖然都用咗十幾年時間。」問到嚟緊新一年有咩工作計劃？佢話：「暫時未有咩具體，希望電影同電視劇都可以參與。」問到有冇加價？佢笑言：「咁點都要加少少，都要跟返通脹嘅。」

【點止視帝咁簡單】粉絲拿舊CD索簽名馬德鐘唱過主題曲
【明報】马德钟（馬神）今日擔任美食節表演嘉賓，現場獻唱《一生中最愛》，並與市民玩遊戲，台下觀眾不時大叫「視帝」，更拿出他的舊CD索簽名。馬神表示今日跟粉絲共度聖誕感覺很好，上次為張彥博音樂會唱歌後，已有很多年無在公開場合唱歌。其實早年他拍攝的劇集《爭霸》，曾出過唱片專輯，亦為《洪武三十二》及《飛虎》唱主題曲。馬神笑說：「我還保留了一些舊唱片存貨，街上買不到的，好珍貴，考慮下次拿出來送給粉絲！」
馬神最近榮升為四料視帝，他坦言因此多了商演，還未有機會去慶祝，希望相約《跳躍生命線》劇組及有份客串的李佳芯一齊出來，「家人就好少搞節日慶祝活動，但出門前見到兒子偷偷整蛋糕，可能正準備為我慶祝。最近攞了幾個獎，全家人都好感動，證明給老婆看我沒有轉錯行，所以我都好開心，覺得今年好幸運！」

不感兴趣

开通SVIP免广告

粉絲拿12年前舊CD索簽名馬德鐘自爆仲有存貨
【頭條日報】出爐視帝马德钟現身美食節活動，與粉絲玩遊戲及即場獻唱一曲共度聖誕，有粉絲更為他帶來驚喜，拿來他一張舊CD索取簽名。馬德鐘於2003年和2006年分別出過兩張EP專輯，今次粉絲帶來的就是2006年的《爭霸》專輯，馬德鐘笑謂這碟在街上已買不到，十分珍貴，但他仍有少許存貨，可考慮送給粉絲。
當上四料視帝後，馬德鐘直言多了很多活動邀請，暫時未有時間慶祝，他希望約《跳躍生命線》劇組和在劇中客串演他老婆，也是今屆視后的李佳芯一齊慶功。至於家人對他得獎都好感動，還爆料出門口前見到囝囝偷偷在整蛋糕，不知是否為他慶祝。

馬德鐘拎視帝加人工：跟番通脹！
【ON.CC】「四料視帝」马德钟出席活動時心情勁好，現場大獻歌喉，又與觀眾玩遊戲，其中一位對手是小女孩，他又拖又氹，暖爸上身，他說：「喺香港好耐無公開唱歌，其實我唱好多主題曲，出過CD，起碼15年前，拍完《衝上雲霄》出嘅，之後仲出咗隻，今日有粉絲帶埋嚟畀我簽名，好珍貴，買唔到，屋企仲有啲存貨喺度，下次帶畀啲粉絲。」他表示甚少會慶祝節日，故有工作更開心。又指奪得視帝後，工作量多了，十分感恩。
問到屋企人如何跟他慶祝，他說：「冇乜特別慶祝，不過今日見到阿仔（馬在驤）偷偷地整蛋糕，唔知係咪今晚食呢！（仔好感動）全家都好感動，用咗咁多年先〉證明到畀老婆睇冇轉錯行，全家都好開心，今年幸運，攞到幾個獎，希望下年有更多好角色。（TVB同你斟未？）又未，係咪要傾呢！感恩公司畀個獎我。（再拍要加少少？）唔關攞獎事，正常都要加少少，跟番通脹。」