【曼步人生】『190118‖新闻』拍拖唔使求姻緣

佘詩曼、菊梓喬和李丞責現身《農曆新年賽馬日》記者會，會上李丞責贈言今年旺金、銀、白顏色，阿佘湊巧穿銀色短靴，她笑言今年應該有運行，並希望大年切三為馬場活動擔任嘉賓時能中3T。
阿佘曾直認有賭命、亦贏過大錢，她笑謂：「好耐無試過喇，希望今年能發少少新年財，今個大年初三仲特別多人約我，應該係知我入馬場想攞貼士。（可想做馬主？）想呀，但唔容易，事關我追求完美，選馬也要完美，要好喜歡和有靚身型才考慮。（擇偶也要完美？）至少在我心目中係內外都美。（會否向李師傅請教姻緣？）順其自然，遇到就遇，但我相信不管在任何方面，自己努力就會成功。」
提到康華感激她為其新歌海報出錢出力，阿佘說：「少少啫，因為新歌是勵志的rap歌，但海報卻像失戀歌，又難得大家可以抽出幾個小時時間完成；看到她開心我也很開心。」不過說到合唱，她自言較適合聽對方的歌，笑稱雖然有唱K，但始終對方是專業，自己是業餘。（攝影：朱偉彥）

内外要完美！佘诗曼唔信风水靠自己搵老公
艺人佘诗曼（阿佘）、菊梓乔及堪舆学家李丞责到跑马地马场出席记者会，李丞责表示新一年穿金银白较旺，碰巧阿佘穿了银**ling bling鞋，阿佘希望可以够旺气赢3T，她说：「希望有运行，都好耐冇中过马。（想赢1亿2000万？）咁贪心嘅？希望发小新年财啦！都未试过年初三赤口咁多人约我，因为佢哋知我今年会入马场，个个都问我攞tips，但我冇咩tips嘅，希望带到运气畀佢哋。（有冇谂过做马主？）都有嘅，但唔系咁易，又要抽，而且我追求完美，要搵一匹真系好钟意嘅，身形要好流线型。（择偶都要完美？）我谂系喇！身形唔一定嘅，但喺我心目中要完美，内外都要。（搵师傅赠两句催旺姻缘？）顺其自然啦！（摆桃花阵？）得唔得㗎？努力啲靠自己啦！我相信努力会成功，无论系事业抑成各方面。」
唔够康华嚟
讲到康华举行新碟发布会时感激阿佘出钱又出力，并为她谂造型，阿佘说：「少少心意啫！佢之前畀我睇海报，我觉得造型唔衬佢只歌，我就话咁辛苦做只歌唔好浪费，咁啱有几个钟大家得闲，就做咗呢件事，佢开心我都开心。（你哋识咗几耐？）以前一齐拍过几套剧。（会唔会一齐唱番首？）边度够佢唱！佢Rap喎！（平时有一齐唱K？）都有嘅，都系玩啫！依家佢系职业。」