自爆肥10公斤！黎诺懿疫下丧食　惨被老婆嫌弃
艺人黎诺懿到将军澳电视城出席下周播出的新剧《C9特工》宣传，自爆肥了10公斤：“由上年开始食，因为仔又大个，可以食我哋嗰啲嘢，所以我会食晒佢同老婆食净嘅嘢，同埋拍《疫境厨神》我专煮埋啲邪恶嘢食，煮前又要试食，所以真系要减番。”又自爆遭老婆嫌弃：“佢睇韩剧啲男主角好fit，见到我个肚腩之后，就叫我还番8旧嘢（腹肌）畀佢。”
他笑言刚结婚时有8旧腹肌，婚纱相都有除衫骚肌，故现时真的要keep番，务求今年内可以除衫骚肌：“仲有3个月，应该得嘅。”他透露现时已开始减肥：“减咗1个月，戒油戒盐。（有冇成效？）老婆话冇效啰，哈哈，不过其实我本身仲有2、3旧（腹肌），只系唔fit啫。”又笑言此剧有动作场口：“嗰阵仲有6旧腹肌，已系尾声期，同埋都会除衫骚肌。

【明報即時】【C9特工】馬明跟高海寧演親熱戲 不擔心湯洛雯睇完呷醋
馬國明和高海寧同聲表示他們的親熱戲不會令湯洛雯睇完呷醋。（孫華中攝／劇照／明報製圖）【今日直擊】@馬國明-Kenneth （馬明）、高海寧（高Ling）、黎諾懿及朱敏瀚等，今日出席新劇《C9特工》記者會。對於此劇被指是「倉底貨」，拍竣兩年並曾更改播映檔期，馬明和高Ling稱劇集終於出街，既感突然又開心。
提到《唐人街》要全球同步播映關係，《C9特工》變相執二攤頂上，馬明表示明白接近台慶，會播些成本較大的劇集，但不等於他對《C9特工》沒信心，「這齣劇成本雖然不大，但劇本幾好，是我喜歡的輕鬆小品，笑中有淚。（與高Ling有沒有親熱戲？）當然有，是我申請回來的。（牀戲亦有？）我們演兩公婆，當然有…牀上傾偈戲，其他就申請不到，我沒《反黑路人甲》王浩信那麼好艷福，被高Ling擒，有得咀嘴已經好好，已令我心跳加速」。
馬明不擔心女友湯洛雯（靚湯）睇完親熱戲會呷醋，因大家是專業演員。高Ling亦讚靚湯很大方，不會呷醋和介意的。
（即時娛樂）