【Maggie1123互动】讨论：从《客家女人》到《来生不做香港人》

我见好多人都唔钟意呢个名, 以我只睇左呢条片花而言, 当中既故事一定唔会系大家心谂既"来生不做香港人, 要做中国人, 要包容" 之类既讲法。以最后张可颐个句对白, 我认为故事带出既, 有机会系想话, 作为一个客家人, 点解系都要去香港生活, 唔留系乡下过更好既生活之类既矛盾。如果真系咁既故事, "客家女人" 明显系唔够吸引力。再者, 故事大纲中都讲到, "在中港融合的大势下，香港人所保守的核心价值还有多少？" 明显系希望想我地睇完再反思社会面对既问题。所以我觉得咁快屌左先系唔太公平,当然大家真心钟意"客家女人"我觉得都系冇问题, 假如出到黎系维稳剧先再屌都未迟。

同意，唔应该咁快就偏激地抨击剧名。剧名可以从几个角度去分析，如果从本土香港人角度出发，确系有贬低香港人嘅意味。但系根据预告片，剧情应该系从移民落嚟香港嘅“客家人”（唔肯定）出发。香港嘅环境未必适合佢地，所以佢地先来生不做香港人。

生为香港人,觉得个标题无问题,反而讲紧我地依家所面对紧既野"
顺带一提,"来生不做_ _ 人"其实同以前美国出既一本书叫"丑陋的美国人",之后好多美国人都争住去睇,为的大概是自我反省日常有什麼陋习影响到人"
之后中国又出左一本叫"丑陋的中国人",却被中央列为禁书"
大家参透下,我地香港人应该用咩态度同角度睇依套剧呢?

其实我觉得，“来生不做香港人” 呢个名不过是想带大家去反思“难道真的已经没有人再想做香港人？香港人现今面对的问题是什麽？本是同根生的两姐妹，在不同的环境下成长，他们的思想、价值观上有什麽分别。”我反而觉得呢个名比“客家女人” 更好，更贴切，更能引起大家的反思，很明显这不会是“我们的天空” 擦鞋剧，期待播出中...