丁子朗大谈圈中伯乐　一提戴祖仪即落闸
艺人丁子朗（丁丁）早前接受TVB娱乐新闻台节目《星光路上》专访，为追寻演艺梦，丁丁2016年由加拿大只身来港，以19岁之龄参选香港先生，最终夺得亚军成功入行，他坦言父母当时并不支持他的决定：“父母真系担心我食唔饱、着唔暖，佢哋话：‘咁我哋系咪要养到你30岁？’但我成日同佢哋讲（呢啲机会）一生人得一次，想做一啲唔会令自己后悔嘅嘢。”
谈到主持之路，丁丁很感激汪明荃（Liza姐）的用心教导，对方更提携他上节目，令他十分感恩：“两年前有一个节目，初头冇我份嘅，系Liza姐同监制讲：‘点解唔用丁丁呀，加埋佢落去啦！’我系喺Show前先知Liza姐帮咗我，好想多谢佢。”
谈到在《森美旅行团》中豁出去露股，并因而成功入屋，丁丁笑指该节目亦是他其中一个重要里程碑：“好多谢同我一齐主持嘅森美、吴若希同麦美恩，佢哋喺节目度不断咁照顾我同教我嘢。”丁丁又指该节目令他与3位前辈建立了深厚的友谊：“我定时会去吴若希屋企黐餐，麦美恩就会帮我约访问同宣传，呢一行好多人话好难搵到真正嘅友谊，但我好好彩搵到一班好肯帮我嘅‘屋企人’。”
今年凭《青春不要脸》正式升呢男主角的丁丁，透露演戏初期曾遭遇不少挫折，更曾被剧组工作人员闹爆：“通常我哋开厂都会开到好夜，咁大家自然都好攰，有一次有个位临尾反应系要我笑，拍完嗰个Shot大家就可以收工，但我就笑极都笑唔到、好唔自然，当时现场大家都好躁，直情有人话我：‘你擘大个口啦，你擘大我哋就收工㗎喇！’我作为一个新人当然好惊，对于我亦系好大嘅打击。”丁丁透露自此便先后报读了锺景辉、韦罗莎、彭秀慧等多个导师的演艺课程，并终于在拍摄《七公主》时开始掌握方向。
谈到与《青春不要脸》拍档戴祖仪传绯闻，丁丁即狠心落闸谓：“识咗佢太耐喇，成3、4年，火花已经冇咗喇，Keep住做朋友系非常之好嘅决定。”丁丁又坦言现在事业行先，并且希望有好机会，又自爆曾为超英电影《尚气与十环帮传奇》试镜，并指自己视前辈陈法拉为学习目标：“佢几年前都仲喺TVB做紧嘢，用过佢嘅监制依家都用紧我哋，佢畀到信心我哋一班香港演员，只要我哋够胆谂得远啲，或者就可以去到更远。

趁林正峰宣布單身拍拖斷正？游嘉欣死口唔認
無綫小花游嘉欣與林正峰多次合作，更分別多次於劇集《香港愛情故事》、《青年心城之撐起青春》及《青春不要臉》中飾演情侶，去年還爆出二人「撻着」的消息。其實林正峰一直都有位拍拖3年的女友Yuki，二人不時於社交平台放閃，當他與嘉欣被拍得車廂密會，爆出緋聞時，林正峰即向女友派定心丸，上載手拖手相片，高調宣布拍拖3周年，以此闢謠，當時嘉欣都有「配合」留言:「sweet sweet！」
游嘉欣去大澳！
原來...
不過，縱使二人多次表示只是好朋友關係，但嘉欣與林正峰似乎關係「分不開」，更被發現齊齊去「蜜遊」。二人早前為劇集《回歸》、《曙光》拍攝，齊齊染疫「中招」，之後隔離休息，幾日前已康復的他們即出關，更分別於社交平台上載了到大澳郊遊的照片，先是嘉欣Post相並留言：「大澳一日遊，好似去咗個小旅行咁！」之後林正峰亦出PO，晒單人相留言：「終於可以抖吓氣，感覺好似已經去咗個旅行咁！好滿足！」二人同聲同氣甚有默契。
林正峰都有同行！
仲唔斷正？！
現時再傳出緋聞，林正峰又被發現於社交平台已刪走了與女友Yuki的合照，更透露回復單身，游嘉欣被問到是否與林正峰拍拖旅行時，她謂：「唔會啦！因為大家都想出街影吓相，咁啱呢輪大家都放假夾到時間，咪出去囉！其實真係冇咩特別，只係正常朋友活動，影到靚相就Post。」問到林正峰是否有意追求她時，她又謂：「識我哋嘅都知我哋真係friend，friend到好難會發展，作為朋友都係祝福佢之後搵到幸福啦！」

丁子朗拍拖對象偏愛圈中人
香港文匯報訊（記者 李思穎）上位小生丁子朗早前接受電台訪問，訪問中大方分享戀愛史。丁子朗今年憑劇集《青春不要臉》升呢演男一，兼勇奪台慶頒獎禮「飛躍進步男藝員」，備受無綫力捧，現階段的他重事業多於愛情，他表示：「自己是工作狂，事業永遠排在首位，追夢為主，譬如情人節，約了對方食飯，但如果有通告，我會取消約會以工作先行，第二日才跟對方補償。」他在訪問中剖白希望未來的對象能夠是圈中人，因為過往他曾經拍過三次拖，回港入行後先後有過兩段關係，當中一段屬圈外人，最終因對方不體諒其工作產生摩擦而分開，他謂：「女方會因為我跟戲中一個女仔拖手而呷醋！我心諗，唔係吖嘛！再加上我們這一行拍攝日夜顛倒，她可能無法理解，為何這麼晚還要返工呢？還要是凌晨三四點，返一個鐘後又收工，又或是返工返足一整天，甚至整個星期都不能見面。」丁子朗指拍拖其實是找一個人陪自己成長，而當大家方向不一時候，或許分開是好事。
至於另外一段與圈內人的感情，丁子朗不願透露對象是誰，希望留一點揣測空間予大眾。被問到是否屬於傳過緋聞的華姐林宣妤，他帶點弦外之音說：「我跟她是一個很好很好的朋友關係，我們成班朋友都好close，全部也是由外地返香港發展，例如她跟我一個來自馬來西亞，一個由加拿大回來，在本地最初沒什麼朋友，會經常相約聚會，特別過時過節也會不想一個人過。我跟她可以說是認識中的朋友！（不是男女朋友關係？）我們是很好的朋友。」至於問到拍《青春不要臉》合作傳出緋聞的戴祖儀，丁子朗卻答得很直接兼笑稱：「呢個就斬釘截鐵，NO！」丁子朗重申不願透露曾拍拖的圈中人姓名，他指希望保持神秘感，「名就大家估吓啦。」
見湯洛雯有心跳加速感覺
有指他曾情迷湯洛雯，丁子朗坦言：「因為她真的非常漂亮，她一直都是我心目中的女神。」丁子朗指遺憾靚湯身邊一直都有男伴，沒想過展開追求，仰慕之情也只好默默收藏，他強調女神只可遠觀而不可褻玩，又坦言至今每次見到湯洛雯也有心跳加速感覺，「跟她每次say hi都好開心！會心心眼！

余德丞突然宣布离巢　竟然关阿妈点灯续命事！
上位小生余德丞喺早前播出嘅TVB剧集《青春不要脸》入面，表现优秀而获赞，最近更入围“全球百大帅哥2022”，估唔到佢喺今日凌晨，上载新片到个人Channel突然宣布离巢，约满TVB结束8年宾主情！片中佢除咗剖白心声，又向TVB讲Bye Bye，拍低自己执包袱全程，亦有指佢将极速开新工，同观众见面，而离巢原因就唔关健康事，亦系考虑咗好耐先决定走人。
片中佢先清理个人储物柜，柜内贴住佢转做艺员后第一次影嘅靓仔相，同初期主持儿童节目《Think Big》时小朋友送嘅圣诞卡等。片中佢提到自己喺TVB嘅回忆及感受，仲自嘲冇代表作：“喺TVB时做过奥运、讲波；又拍饮食及旅游节目，又拍过剧，最后系《青春不要脸》，8年冇白过，虽然冇代表作，但咩都试过，至少尽心尽力做过。”
不过话峰一转，佢就重提2018年因踢足球引发心脏出事昏迷入院，当中更因家人被牵连入报道之中，至今仍耿耿于怀：“当时有个人出嚟话我阿妈去跪佢帮我免费点灯续命，但根本我同妈咪唔识呢个人，我哋识嘅人都冇人去搵过佢，我当时好想企出嚟，但公司认为最好嘅回应就系唔回应，最后更只系叫我答：‘多谢关心，我没有回应。’我唔明点解要咁，系啱就啱；系错就错，但依家咁回应，咪令其他人更多揣测，有冇谂过咁嘅决定会有影响，仲会伸延落去，以后人哋谂起我都谂起呢件事。我自己做呢行冇所谓，但我妈咪出到去人哋会点谂佢，咁系伤害一个唔系呢行嘅人。到依家我仲可以坐喺度，好多人就觉得系因为我妈咪去点灯续命。”即令网友不禁揣测呢个可能系佢离巢主因！
TVB高层乐易玲亦有就余德丞离巢一事，喺社交网发表感受，坦言好理解对方决定并送上祝福，佢写道：“Dickson年多前同我讲过，32岁系男人嘅黄金岁月，好想往外闯，给自己摸索一下外面的世界，对公司讲虽然可惜，但我作为佢嘅长辈很能理解…出去走一圈，偿心愿…”佢透露因自己仍在隔离中，所以上星期Dickson返TVB办理手续时，错过了同对方坐低饮杯咖啡嘅机会，佢又祝对方一切顺利同埋身体健康。